Bli med Fjellsportgruppa i Kvinnherad turlag på topptur til eit mindre kjent område i Rosendal, men som på ingen måte står tilbake når det gjeld muligheter for lange og bratte bakker. Vi startar turen i Muradalen der vi går opp den gamle stølsvegen mot Bjørndal. Oppe på Skar (858 m.o.h.) set vi kursen mot toppen av Andersfjell (1211 m.o.h.).

Helga 13-14 mars, arrangerer Fjellsportgruppa i Kvinnherad Turlag den årlige vinterturen over Folgefonna. Dette er 8. året på rad at turen vert arrangert. Start frå Espeland/Skare, tur inn til Sauabrehytta. Dag to over fonna og ned til Rosendal.

Turprogrammet for 2010 kan du no lasta ned.

Kvinnherad Fjelltrim 2009-sesongen er avslutta og turlaget er nøgd med deltakinga. Totalt 99 personar har  delteke og fullført minstekravet som er ein tur, kort eller lang, i minst fem av dei åtte områda. 9 personar vil få tildelt 5-årspremie og 17 deltakarar på 15 år og yngre får kvar sin premie. Premiering i samband med Kulturkveld med Bruaset torsdag 26.nov. i Kulturhuset Husnes kl. 19.00.

Torsdag 26. november kl. 19.00 kjem Oddgeir Bruaset med kåseriet "Der ingen skulle tru at nokon kunne bu" til Kvinnherad.

Turen var utlyst som Jordalsnuten rundt, men med store mengder nedbør den 16.august vart turen korta inn. Vi tilpassa turen etter verforholda og gjekk den flotte kulturløypa Mannsåker – Ragde – Hjøllo – Mannsåker. Knapt fire timar med gode foteljepausar av oddingen Hermund, og elles engasjerte diskusjonar i ei glad regnversgruppe. For å bli kjent med Odda og områda ikring kan denne turen anbefalast for alle.

Turen var utlyst som ”Oppdagarferd ved Nordfonna”. Diverre kom sundagen med skodde og regn, så turleiarane føreslo Fynderdalen som erstatning. Berre to av dei frammøtte hadde vore der før,  og med å leggja ruta delvis alternativt til den vanlege vegen, så vart dette ei ”oppdagarferd” for alle: Frå Brekke langs isvegen 1822 – Sandavodlen – Bruene – Fønderdalen – Hovden – ned langs kanten mot Vetledalen – tvers i Vasslio til normalstien – heim som vanleg langs vatnet og isvegen 1864

Turen, som starta med rotur på Åkrafjorden til Eintveit fredag ettermiddag, vart opplevingsrik for dei 16 deltakarane. Ei overnatting på Eintveit med god mat og bålkos under fullmåne og i godt ver gav godt grunnlag for den ganske lange fotturen til fjells via Eintveithorgjo og vidare til Sandvatna. Her hadde Trygve Øvstebø laga til leir og serverte hjortegryte kokt på bål. Etter overnatting i leiren bar det vidare mot Åkrastølen og heilt ned att til Åkra. Bilder frå turen kan du sjå her: http://www.bergen-turlag.no/gallery/album582

 

Friluftsdagen vart noko amputert grunna store vassmengder! Vinden i tillegg til alt vatnet gjorde at vi måtte avlysa kanopadling og skyting. Fiskarane trekte i hus og serverte nysteikt fisk i det oppvarma teltet. Til stor glede for mange, var ikkje regnet noko hinder for tyrolertraversen og line-gangen. Til saman rundt 50 små og store fann vegen til Fjellandsbø til tross for det kraftige regnveret! Det er vi i turlaget godt nøgd med. Sjå bilder frå Friluftsdagen her: http://www.bergen-turlag.no/gallery/album564

Uskedalen.no har reportasje frå arrangementet her: http://www.uskedalen.no/no/nyhende/3668/

 

 

Vi har no lagt ut bilete frå den flotte turen Lofthus rundt som vart arrangert den 21.juni. Ein flott tur som altfor mange gjekk glipp av. Dessverre var det berre fem deltakarar på denne turen, men dei fekk ein fantastisk tur i vakker vestlandsnatur. Bilder frå turen finn du her: http://www.bergen-turlag.no/gallery/album563

 

Fyrste helga i august inviterte Kvinnherad Turlag til sykkeltur i Eksingedalen.  Ein fin gjeng på 13 personar fekk nyta  dei mange naturopplevingane  turen ga. Den storslagne naturen med vassdrag, vakre fjell og vidder er fantastisk å oppleva frå sykkelsetet.

Den totale lengda på vår rundtur var om lag 90 km. Det er stor variasjon i landskapet frå fjell, dal og til fjord som gjer det spennande å runda neste sving...

1.-2.august gjennomførte Kvinnherad turlag sykkeltur i Eksingedalen. Sykkelturen vår starta på Evanger og enda opp på Dale etter 85 km krydra med varierte og flotte naturopplevingar. Bilder frå turen finn du ved å klikka på link her:

http://www.bergen-turlag.no/gallery/album562?page=1

 

Deltakarane som padla rundt Halsnøy med turlaget 11.-12.juli fekk ein flott tur. Overnatting var på Romsa i huset til Friluftsrådet. Ved å følgja link, kan du sjå bilder frå turen: http://www.bergen-turlag.no/gallery/album559

 

Siste helg i juni var det igjen tid for å padle Åkrafjorden og besøka vakre perler langs fjorden. Turen starta fredagen frå Utåker og enda opp i Eljarvik sundag ettermiddag. Ei helg rik på opplevingar, sol, venskap og godt humør i tillegg til 3,3 tilbakelagte landmil (33 km) i kajakkane...

Turen starta med hurtigbåt frå Sunde kl 10:20 via Ranavik til Leirvik. Her slutta kjentmann Magne Saksvik seg til turlaget. Så bar det til Vistvika der me starta fotturen. Me fulgte skogsvegen opp langs Vistvikelva opp til Svartavatnet. Turen gjekk så mot Mehammarsåta, men før vi kom