Meld deg på kurs eller BaseCamp i 2012 og opplev gleda ved ny læring og naturglede ved kyst og fjell.

Sogndal Turlag hadde årsmøte tysdag 29. november, og då vart Marte Kviberg (i midten) vald til ny leiar. Marte er den fyrste kvinnelege leiaren i laget. Veteran Arne I. Lerum (t.v.) fekk blome og vart takka av i styre, og Tom Dybwad (t.h.) fekk takk for godt leiarskap i dei to siste åra.

Med nytt trimposttilbod i Sogndal har Sogndal Turlag satsa medvite på å nytte fjellområda i kommunen til godt ”folkehelse- arbeid”. Tilbod har er retta både mot born og vaksne. Fellesturane  har synt god deltaking med m.a. bretur til Uranostind og fottur frå Stigen til Undredal. Barnas Turlag har også hatt eit aktivt år. Kajakkhelga i Solund er  ein triveleg tradisjon. Turen i år gjekk frå Kolgrov til Storsundet og til Ospa, heilt nord i Sula. Hyttene har aukande besøk, med 162 overnattingsgjester på Råkeneset, og ferdig restaurert naust. Grøssete  var godt besøkt sist vinter. Jamt medlemstal og rundt 548 totalt og av desse 56 born og unge.
Les årsmelding 2011 her. Les Årsmøte referat 2011 her og reviderte vedtekter les du her. Alle foto: Eli Berge

Fellessamlinga i SFT samla tillitsvalde frå lokal- og fylkeslag til inspirerande dagar her på kaia i Kalvåg. Foto: Atle Holsen
Les fleire av innlegga v/link under bilete kvar enkelt tema.

Turen til Uranostind   går gjennom goldt høgfjell,  grov morene  og  eit  spanande  bre-lanskap.  Til stor glede for gruppa  av topptur- jegerar kan vi for første gong skimte toppen i det vi gjer oss klar til  å setje stegjerna i blåisen.   Vi  augnar håp om å  komme oss til toppen  med  utsyn til tindane på begge sider av Utladalen.  Men dette vert nok ikkje dagen for topptur- støt. Heller ein kjekk  tur i blåisen med stegjern knasande  under skoa.  Målet er  sjølvsagt den   spenstige tinden, men  vi må  nøye oss med å oppleve  bre- naturen i skodde, frisk sønnavind og  lett regn. Foto og tekst Marino J. Ask